Actualités

Rotsak’orana Mbola hitohy hatramin’ny faran’ny herinandro

Actualités
Alarobia 13 Febroary 2019

Mbola hitohy hatramin’ny faran’ny herinandro ny ranon’orana eto an-drenivohitra sy ny manodidina raha araka ny fanadihadiana natao teo anivon’ny sampana mpamantatra ny toetr’andro etsy Ampandrianomby.

Isan-kariva sy ny alina no hisian’izany izay tokony hitsahatra amin’ny 12 ora alina hatrany amin’ny ankapobeny. Tsy voavinavina anefa iny orana nitranga omaly maraina hatramin’ny 07 ora iny hoy hatrany ny sampana mpamantatra ny toetr’andro noho ny antony maro samihafa. Na izany aza anefa dia nomarihin’izy ireo fa somary ho maina kely ny andro amin’ny alakamisy 14 febroary ho avy izao, fetin’ny mpifankatia ary hiverina hirotsaka indray ny ranon’orana ny andron’ny zoma. Notsiahivian’ny sampana mpamantatra ny toetr’andro moa fa tafiditra tanteraka ao anatin’ny aty fahavaratra isika ankehitriny, fotoana tena mahabetsaka ny ranon’orana ka tokony samy ho mailo ny tsirairay.

Pati