Actualités

Roland Ravatomanga Any Antsiranana manomana ny fiverenan'i Dada ?

Actualités
Alarobia 03 Desambra 2014

Nihazo an'Antsiranana omaly ny lehiben'ny ankolafy Ravalomanana, sady minisitry ny fambolena sy ny fampiroboroboana ny tontolo ambanivohitra Roland Ravatomanga

Anisan'ny anton-diany any ny hitsidika sy hifampiresaka amin'ny filoha Marc Ravalomanana ao amin'ny Amiraute. Io rahateo no fihaonana voalohany eo amin'ny roa tonta hatramin'ny nametrahan'ny fitondram-panjakana amin'ny toerana arahi-maso manokana ny filoha Marc Ravalomanana any Antsiranana. Mihevitra ny maro fa dingana mankany amin'ny famerenana ny filoha Ravalomanana aty Antananarivo, hiara-monina amin'ny fianakaviany izao dian'ny lehiben'ny ankolafy Ravalomanana any Antsiranana izao. Marihina fa mbola any an-toerana ny vady aman-janaky ny filoha Ravalomanana.