Actualités

Rivodoza Alcide Tsy misy ahiana amin’ny toetr’andro eto an-drenivohitra

Actualités
Zoma 09 Novambra 2018

Tsy ahiana hisy fiantraikany amin’ny toetr’andro eto Antananarivo Renivohitra ny fisian’ilay rivodoza Alcide any amin’ny 450 km avaratra atsinanan’Antsiranana, omaly folakandro.

Any amin’iny faritra avaratry ny Nosy iny ahitana ny Faritra SAVA sy DIANA no mety hisy ranon’orana amin’ny sabotsy sy alahady ho avy izao saingy na izany aza tsy ho be dia be. Noho ny hakelezan’ny velaran’ity rivodoza Alcide ity no fantatra fa antony. Mianatsimo andrefana ny lalan’ity rivodoza ity nanomboka omaly hariva ary tsy mbola misy fiantraikany eto Madagasikara ny heriny. Tsiahivina fa 11 km isan’ora ny hafainganam-pandehany omaly hariva, mitondra tafiotra 165 km isan’ora.

Pati