Actualités

Ratrema William Kivy amin�ny toe-tsaina misy ankehitriny

Actualités
Talata 01 Martsa 2016

Tena mahakivy anay mpanabe nifofotra raha toy izao zava-misy iainana ankehitriny izao ny vokatry ny fikelezana aina nataon�ny tena am-polony taona maro nanaovana asa fanabeazana ankizy sy tanora

Malagasy izao no asian-teny, hoy Atoa Ratrema William mpanabe sady filoha mpanorina ny Vondrom-panabeazana Aceem izay feno 30 taona katroka ankehitriny. Ny resaka toe-tsaina no tiana asian-teny, hoy izy. Mila hampiteniteny foana mihitsy ny toe-tsaina asehon’ny Malagasy eo amin’ny lafim-piainana rehetra ankehitriny, indrindra ny fanabeazana, hoy izy. Raha nahomby ny fanabeazana natao izay novolavolaina sy naelin’ireo manampahefana nomena andraikitra dia tsy ho toy izao ny zava-nitranga. Tsy fanenjehana sy fanakianana olona fa ilay fanabeazana mihitsy no misy fahalemeny matoa ilay olona mibirioka. Mila mandini-tena koa ny mpanabe hoe tsy nety ve ny fanabeazana nomena matoa ilay olona novolavolaina tsy tafita ?

Ntsoavina Evariste