Actualités

Rainandriamampandry Hotsarovana ny faha-120 taona nitifirana azy

Actualités
Alakamisy 06 Oktobra 2016

15 oktobra 1896 � 15 oktobra 2016, 120 taona izay no nitifiran�ny mpanjanatany an-dRainandriamampandry, Evanjelistra mpitondra Fiangonana, mpampianatra, mpanoratra,

jeneraly mpitari-tafika sy Governora miaramila tao Toamasina ary minisitry ny Ati-tany. Niara-notifirina taminy teo Antaninarenina ny Printsy Ratsimamanga ny 15 oktobra 1896. Hisy hetsika samihafa, karakarain’ny tarany sy ny Komity natsangana manokana, hanamarihana izany fotoam-pahatsiarovana izany ny alahady 9 oktobra ka hatramin’ny sabotsy 15 oktobra 2016. Hampahafantarina mandritra ny valandresaka ho an’ny mpanao gazety anio alakamisy 6 oktobra 2016 etsy amin’ny Tranombokim-pirenena Ampefiloha ny manodidina izany.

Jean D.