Actualités

Partagé sur :
• facebook

Nanaitra ny mpanara-baovao maro teto amin’ny tany sy ny firenena ny fanambarana nataon’ny filohan’ny Antenimieram-pirenena mikasika ny raharaha nanaraha-maso ny ombin’Atoa Mara Niarisy, solombavambahoakan’i Madagasikara voafidy tany Ankazoabo atsimo.

 Ny  fiarovan’atoa Rakotomamonjy Jean Max ny solombavambahoak’Ankazoabo  atsimo dia niainga  avy tamin’ny  andininy  faha-73 ao amin’ny  lalàmpanorenana izay  milaza fa tsy azo samborina ny solombavambahoaka  raha tsy  nahazoana alalana avy amin’ny  birao maharitry ny Antenimieram-pirenena  na tratra ambodiomby. Etsy an-kilany, ny tompon’andraikitry ny  fanadihadiana  avy etsy  amin’ny Toby Ratsimandrava dia nanindry  fa  nahazoana  alalana tamin’ny lehiben’ny fampanoavana tany an-toerana ny  fisavana ny  trano sy ny taratasin’ombin’Atoa Mara Niarisy. Nanamafy ity  jeneraly eo anivon’ny zandarimariam-pirenena  ity fa nanaraka ny fepetra rehetra takian’ny lalàna  ny nisavana ny  taratasin’ireo  izay nilaza  ho tompon’ny omby  tao am-balan’ny solombavambahoaka ary azo porofoina. Misafotofoto  ny raharaha satria ny Antenimieram-pirenena sarotiny  amin’ny  olony  ary ny zandary  mailo amin’ny asany.  Ho an’iza ny tena  hampiharana ny lalàna ? Tsy  nisy antony  manokana ve matoa nampidirin’ny Fampanoavana tany an-toerana tao anatin’ny  lisitry ny olona hosavaina  trano   ny solombavambahoaka Mara Niarisy ? Raha  ny  zava-misy dia nahitana  omby  tsy  ara-dalàna tokoa  tao am-balan’ny  solombavambahoaka,  araka ny  tatitry ny  zandary, ka nahatonga ny fanadihadiana. Sao  dia ny lalàna  ary no tokony  hasiam-panavaozana ? Hanano sarotra  hatrany mantsy  ny fanatontosana ny fanadihadiana rehefa solombavambahoaka no  voakasiky ny  raharaha.  Misy  amin’izy ireo  anefa   no tena be afera  maloto saingy arovan’ny  lalàna.

Ra -bri   

Tia Tanindrazana

Samia mijoro ho an'i Gasikara.