Actualités

Raharaha Claudine A&C Andrasana ny fanazavan�ny filoha

Actualités
Sabotsy 15 Aprily 2017

Na inona na inona zava-misy eto amin�ny firenena, dia mbola i Hery Rajaonarimampianina no mitantana an�i Madagasikara na dia maro aza ireo kiana mivaivay mihatra aminy, indrindra fa taorian�ny raharaha Claudine Razaimamonjy.

Mpanolotsainy, praiminisitra, minisitra,…eny hatramin’ny tenany aza voatonona ao anatin’ny raharaha kolikoly. Ny manahirana anefa dia minia mangina ny filoham-pirenena, izay tokony hitondra fanazavana mazava manoloana izao zava-misy izao, indrindra fa amin’ity raharaha Claudine Razaimamonjy ity. Tokony hijoro amin’ny maha filoham-pirenena azy ny tenany, ka hitondra fanazavana, eny fa na hanadio tena aza satria ny vavany miteny sy mitondra fanazavana no ilain’ny vahoaka, raha mbola mihevitra ny tenany ho filoham-pirenena ihany koa izy. Efa niteny sy namoaka ny heviny rahateo ny ankolafin-kery maro sy ny sampandraharaha samihafa eto amin’ny firenena manoloana iny raharaha Claudine Razaimamonjy iny, toy ny sendikan’ny mpitsara, ny mpandraharahan’ny fonja, ny polisy mpiambina ny sisin-tany, ny antoko Tiako I Madagasikara, ny antoko Malagasy Miara-miainga, hatramin’ireo masoivoho vahiny. Mbola manjavozavo ny raharaha ary anisan’ny fanalahidin’izany ny filoham-pirenena, ka tsy tokony hatao tompon-trano mihono ny Malagasy, izay miantso am-pahendrena ny filoha hitondra fanazavana sy hanao fanambarana.

Toky R