Actualités

Partagé sur :
• facebook

Tonga nitsidika ny filohan’ny vaomiera sosialy, koltoraly ary serasera eo anivon’ny Antenimierandoholona Rakotozafy Jean Martin ny Talen’ny serasera avy amin’ny PSI Madagasikara (Population Service International – Madagascar) Rtoa Nathalie Randriamanga omaly, teny amin’ny Lapan’ny Antenimierandoholona Anosy.

Nifantoka tamin’ny fangatahana fiaraha-miasa sy fampahafantarana ny tetik’asa  vaovao IMPACT izay  ho vatsian’ny  USAID  ny lahadiniky ny roa tonta. Haharitra  dimy  taona io  tetikasa io ary hanomboka  ny 12 Aprily 2019 izao izany ka izany tetikasa izany dia  miompana  tanteraka amin’ny resaka  fahasalaman’ny reny sy ny zaza, ady amin’ny tazo moka  ary   ny lafiny fanabeazana  aizana. Ny tanjon’ny tetikasa dia ny mba ahazoan’ny vahoaka Malagasy fanafody   araka ny tokony ho izy. Nohararaotin’ ireo loholona ny fihaonana nanazavany ny andraikitry ny Antenimierandoholona amin’ny maha mpiahy ny Vondrom-bahoaka itsinjaram-pahefana ny Andrim-panjakana. Nanoro hevitra ny tenany ny mba hisian’ny fiaraha-miasan’ny PSI Madagasikara amin’ireo Kaominina. Firariana, hoy ny Senatera Ramparison Luc, raha mba misy tetik’asa ho an’ny zokiolona ataon’ny PSI-Madagasikara. Nambaran’ ny Talen’ny sampandrarahan’ny  serasera eo anivon’ny PSI moa  fa any amin’ny  distrika sy Kaominina any amin’ny  faritra amoron-tsiraka  no hifantohana sy hampiarana ny tetikasa  ka ireo fanafody dia  aparitaka manerana ny fivarotam-panafody ambogadiny any amin’ny distrika  (PHA GE DIS) sy fivarotam-panafody  eny anivon’ny Kaominina (Pha  Ge Com).  Vonona ny hiara-kiasa amin’ny PSI ihany koa moa ny Antenimierandoholona rehefa tonga ny fotoana ampiharana ny tetikasa IMPACT.

nosy

Marigny A.

Tia Tanindrazana

Samia mijoro ho an'i Gasikara.