Actualités

Pr Ranjeva Raymond Nisafidy ny tsy hangina

Actualités
Talata 30 Desambra 2014

Nampaneno lakolosy ny Hetsika Vonjy Aina sy ny Profesora Ranjeva Raymond raha nisafidy ny hangina ny ankamaroan�ny mpanao politika eo ampiandrasana ny taona vaovao 2015. Ny hisorohana ny zava-doza mety hiseho eto amin�ny firenena no antony, araka ny efa

nambaran’izy ireo tamin’ny 13 aogositra 2010 ary mbola nampahatsiahiviny indray omaly. Nohamafisiny tamin’izany ny maha zava-dehibe ny fihaonana an-tampon’ireo filoham-pirenena nifandimby, ny famerenana ny fiainam-bahoaka sy ny fiainam-pirenana ary ny famerenana ny hasin’ny Fanjakana. Natao ny 19 desambra 2014 ny fihaonana an-tampony, notarihin’ny FFKM. Nanamarika anefa i Pr Ranjeva Raymond fa tokony ao anatin’ny mangarahara no anaovana izany, mila misokatra ary andraisan’ny rehetra anjara hialana amin’ny fifampiahiahiana satria ny tena fifampihavanana, hoy izy, dia mitondra any amin’ny dinam-piarahamonina vaovao iaraha-mamolavola sy ny fanandratana ny tena hasin’ny fanjakana ary lalampanorenana vaovao, fifidianana samihafa vaovao, madio ary mandresy lahatra ny misalasala no filamatry ny fahombiazan’ny fifampihavanana.