Actualités

Polisy nahavanon-doza Novonoiny ny vadiny, naolany ny zanany

Actualités
Sabotsy 23 Febroary 2019

Ny alin’ny 16 febroary 2019 tokony ho tamin’ny 09 ora no tonga niantso vonjy sy nametraka fitoriana teo anivon’ny « Division de la Police des Mœurs et de la Protection des Mineurs »

Tsaralalana ny renim-pianakaviana iray niaraka tamin’ny zanany telo noho ny vono sy ratra nahazo azy ireo tao an-tokantrano ary ny fanakorontanana nataon’ilay raim-pianakaviana vadiny azy ireo. Rehefa noraisina ny fitoriana ary nampanantsoina ny voakasik’ity raharaha ity dia fantatra fa polisy am-perinasa filohan’ny sendikan’ny “Brigadier” sy “Agent de Police” izy ity ary voaporofo ny fandikan-dalàna nataony tamin’ireo ankohonany. Mbola fantatra ihany koa nandritra ny famotorana fa nisy ny fanolanana niverimberina nataon’ity raim-pianakaviana ity ny zanany vavy matoa nanditra ny taona maro. Rehefa nanatona ny polisy moa izy efa-mianaka ireto dia tsy niverina tao an-tokantranony intsony. Tsy nilaina, araka izany, ny fahazoan-dalana manokana nahafahana nanenjika ity polisy ity fa avy hatrany dia notazonina izy. Niakatra fampanoavana ny 20 febroary lasa teo ny lehilahy ary efa eny am-ponja miandry ny fitsarana azy.

Pati