Actualités

Polisy Monisipaly eto Iarivo Manatevina traikefa hatrany

Actualités
Alarobia 13 Febroary 2019

Hatevenina ny fahaiza-manaon’ny Polisy Monisipaly eto amin’ny kaominina Antananarivo Renivohitra (CUA).

Ny sehatry ny lalàna sy ny fampiharana izany no isany hatsaraina sy hatevenina ankoatry ny fahaiza-manao hafa. Polisy Monisipaly Malagasy monina sy miasa any ampitan-dranomasina, Capitaine de police Monisipaly any Polletres Frantsa, Rakotomanana Soulé, no mitondra ny fahaiza-manaony sy mizara ny traikefany ho an’ireto Polisy Monisipaly Malagasy eto Antananarivo. Mandritra ny fotoana andalovany eto an-tanindrazana no anantanterahany izany, misy ihany koa fampitaovana, toy ny fanamiana nentiny ho an’ireo Polisy Monisipaly eto Antananarivo. Zava-dehibe ho an’ireo Polisy Monisipaly Antananarivo ny fisian’ny fiofanana toy izao, hoy Rakotovololona Christophe Chef de service opérationnel Polisy Monisipaly Antananarivo. Tsy vao izao akory izy no tonga mizara ny traikefany ho anay Polisy Monisipaly eto Antananarivo fa isan-taona ity Polisy Monisipaly avy any Frantsa ity no tonga eto amintsika mizara ny traikefany amin’ny maha-Malagasy azy ihany koa.