Actualités

Polisim-pirenena Ambatondrazaka Vonona hampanjaka ny fandriampahalemana

Actualités
Alakamisy 02 Oktobra 2014

Toy ireo polisy manerana nosy dia tsy nanadino velively ny vaninandro nisian�ny polisim-pirenena voalohany ny polisy any amin�ny renivohitry ny faritra Alaotra Mangoro dia ny 30 septambra 1961.

Omaly alarobia maraina 30 septambra 2014 dia nisy ny hazakazaka mitety tanàna nataon’ny polisy rehetra ao Ambatondrazaka izay notarihan’ny kaomisera divizionera Randriamihamina Wilson. Nambarany tamin’ny mpanao gazety fa vonona hatrany ny polisy amin’ny fampandriana fahalemana ny tanànan’Ambatondrazaka. Misy ny fiaraha-misalahy amin’ny ben’ny tanànan’Ambatondrazaka eo amin’ny fandaminana ny fifamoivoizana sy ny tsena. Miasa na alina na antoandro ny polisy amin’ny fitetezana ny fokontany sivy amin’ny fanaraha-maso ireo mpandika lalàna. Hampanjaka ny fandriampahalemana no tanjona iombonana, mila fifanomezan-tanana avy amin’ny vahoaka izy ireo amin’izany. Dinik’asa nandinihina ny paik’ady mahomby handresena ny olon-dratsy no namaranana ny andro ny 30 septambra 1961 tany Ambatondrazaka.