Actualités

Pesta eto Madagasikara Mailo ny Maorisianina

Actualités
Alatsinainy 11 Janoary 2016

Nisy trangana pesta 174 teto Madagasikara tao anatin�ny efa-bolana farany ny taona 2015. Namoy ny ainy ny 63 amin�ireo. Izay no voaisa. Iaraha-mahalala ny tsy fanatonan�ny olona toeram-pitsaboana entin�ny tsy fananana, ka manao dokotera tenany any ambanivolo any. Mampatahotra anefa ny tarehimarika. Mailo ry zareo Maorisianina ka nandray fepetra hisorohana ny mety hidiran�ity valan�aretina ity any aminy. Mivezivezy rahateo ny olona sy ny entana.

Eny amin’ny seranan-tsambo izao dia takian’izy ireo ny fananan’ny sambo taratasy fanamarinana fa nisy fandrarahana fanafody famonoana voalavo natao nialoha ny niaingan’ny sambo taty Madagasikara mihazo an’i Maorisy. Teny amin’ny seranam-piaramanidina indray dia mandalo fitsapana hafanana avokoa ny olona rehetra avy aty Madagasikara vao migadona eny amin’ny seranam-piaramanidina any Maorisy, sao misy mafanafana hoditra.

Jean D.