Actualités

Pasipaoro nomerika Tafakatra 800 ireo nisoratra anarana

Actualités
Alakamisy 08 Janoary 2015

Nifarana ny alarobia 31 desambra taona 2014 lasa teo ny fampiasana ny pasipaoro biometrika ho an�ireo mpiray tanindrazana mpivezivezy any am-pitandranomasina

Novaina ho lasa pasipaoro nomerika mantsy izany ka taorin’io daty voatondro io dia betsaka ireo naverim-potsiny na dia efa tonga teny amin’ny seranam-piaramanidina eny Ivato aza. Vokany, nifanotofana ny fanatonana ny sampandraharaha manara-maso ny fivoahana sy ny fidirana eto an-tanindrazana etsy Anosy nanomboka ny alatsinainy lasa teo. Tafakatra 800 isa ireo efa nisoratra anarana, raha ny fanazavan’ny kaomisera N’diaye Jean Meambly Tidahy tamin’ny mpanao gazety omaly. Niakatra ho 110.000 Ar ihany koa ny sarany manao izany, asa tsy maintsy vitaina ao anatin’ny iray andro sy tapany. Mampiavaka ity pasipaoro nomerika ity amin’ny teo aloha moa raha tsiahivina ny firaiketan’ny momba ilay olona tompony anatina puce kely

Ny kaomisera N’diaye Jean Meambly Tidahy, tompon’andraikitra voalohany ao amin’ny sampandraharaha manara-maso ireo olona mivoaka sy miditra eto an-tanindrazana