Actualités

Paositra Malagasy Hanokatra tranonkalam-pifandraisana vaovao

Actualités
Alakamisy 08 Oktobra 2015

Mbola ny 70 %-n�ny Malagasy amin�izao no mametraka fitokisana amin�ny paositra malagasy amin�ny alalan�ny fifandefasana taratasy na dia efa tsy mitsaha-mivoatra aza ny teknolojia.

Na izany aza tsy tara amin’ny rivotry ny fandrosoana ihany koa izy ireo, hoy Ranarison Richard, tale iray ao amin’ity orinasa iray ity. Hanokatra tranonkalam-pifandraisana vaovao mantsy izy ireo hahafahan’ny mpanjifa mamantatra ireo karazana tolotra misy ao aminy. Tafiditra ao anatin’izany ny fividianana hajia amin’ny alalan’ny varotra fampirantiana. Nankalazaina omaly ny andro maneran-tany ho an’ny paositra malagasy. Fampirantiana ireo karazana hajia vokarin’izy ireo tetsy amin’ny zaridainan’Antaninarenina no nisantarana izany, hetsika izay efa tafiditra sahady ao anatin’ny fanomanana ny « rencontre des filatelistes » aty amin’ny ranomasim-be Indianina hotanterahina eto amintsika ny taona 2016 ho avy io. Marihina moa fa mbola marobe ireo hetsika entina hanohizana ny fankalazana mandritra ity herinandro ity.