Actualités

Oniversiten�Antananarivo Hisokatra ao Soavinandriana Itasy ny sampana faharoa

Actualités
Talata 03 Febroary 2015

Hisokatra ao Soavinandriana Itasy ny sampan�ny oniversiten�Antananarivo. Natao omaly tany an-toerana ny fanaovan-tsonia momba izany. Ny Faritra Itasy no nanome tany hanorenana ny oniversite

. Nitarika ny lanonana tany an-toerana ny minisitry ny fampianarana ambony Rasoazananera Marie Manique, notronin’ny minisitry ny fahasalamana Pr Andriamanarivo Mamy Lalatiana sady sojaben’ny fakioltean’ny fitsaboana sy ny minisitry ny filazam-baovao sy fifandraisana amin’ny andrim-panjakana Andrianjato Vonison. Ity no sampan’ny oniversiten’Antananarivo faharoa nosokafana taorian’ny ao Antsirabe, nisokatra roa taona lasa izay. Ahitana lalampiofanana 7 ao, miofana mandritra ny telo taona ary ahazoana diplaoma “licence professionnelle”. Miisa 280 eo ireo mpianatra nisoratra anarana hatreto. Hatomboka amin’ny 9 febroary izao ny taom-pianarana, hindrana trano ny oniversite mandra-pijoron’ny fotodrafitrasa natokana ho azy.

Jean D.