Actualités

OMDA sy ny fakana vola amin�ny mpanakanto Misy tsy mpikambana nefa lasibatra

Actualités
Alarobia 01 Oktobra 2014

Misy amin�ireo mpanakanto eto amintsika no tsy mbola mpikambana ao amin�ny OMDA amin�izao fotoana nefa hakan�izy ireo vola hatrany. Ankoatra ny fampisehoana ataony dia ahitana ny solontenan�ny OMDA hatrany ary maka vola ana hetsiny isaky ny mandeha.

Ny fanadihadiana natao dia mbola hakan’ny OMDA vola ihany koa ny sanganasan’izy ireny mandeha eny amin’ny haino aman-jery nefa tsy misy miverina aminy izany na kely monja aza. Anisan’ny miaina izany ary mametra-panontaniana ny amin’ny fandehan’ireny vola alaina aminy ireny i Tsarafara na Rajao. Tsy haiko na fantatry ny talen’ny OMDA izany fakana vola izany na ahoana fa tokony hitondrany fanazavana manokana mihitsy mba hampazava ny fitsipi-dalao, hoy izy. Ho azy manokana dia tonga hatrany amin’ny faritra mihitsy ny solontenan’ny OMDA manaraka ny fampisehoana ataony. Tsy manao hiran’olon-kafa anefa izy mandritra izany fa dia ny sanganasany ihany no ataony. Ankoatra izay, mahavariana ihany koa ny fakana vola amin’ny anarany amin’ireo haino aman-jery mandefa ny sanganasany izay azo heverina ho fisolokiana, hoy hatrany izy.