Actualités

Omby nitrifana teny Analakely Nanimba entana sy nandratra olona

Actualités
Alarobia 24 Aogositra 2016

Tranga hafa kely no nitranga teny Analakely omaly. Nikoropaka eran�ny tsena sy ny arabe. Nisy ny mpivarotra nanidy tsena avy hatrany.

Tsy grevy akory na mpiasan’ny kaominina manenjika mivarotra amoron-dalana fa omby masiaka no tafiditra teny Analakely. Nanimba entana tamin’ny lalana izay nolalovany sady nandratra olona maromaro ity omby tafiakatra an-tanàn-dehibe ity. Avy any Ankadindratombo izy ity raha ny fantatra; ary nisy omby hafa ihany koa tafatsoaka niaraka taminy ka voasambotra tany Andrainarivo ny iray. Voafehy ihany moa ilay omby tao Analakely ny farany. Tokony hampieritreritra ny rehetra, indrindra fa ireo tompon’andraikitra amin’ny labatoara ny tranga tahaka izao satria tena mety hampidi-doza. Misy ny fomba fiasa tsy maintsy ahitsy fa misy lesoka ao matoa omby roa aman-telo no tafatsoaka ary efa mahavita kilometatra maromaro vao tratra.

Nangonin’i RTT