Actualités

Olon-tsotra any Alaotra Miantso ny mpitondra hijery ny fahoriam-bahoaka

Actualités
Alakamisy 20 Novambra 2014

Sempotry ny krizy ara-tsosialy ny mponina any Alaotra. Mamely ny delestazy, mikatso ny fihariana, manao ny ataony ny jiolahy, ambany ny vidim-bokatra. Ampahany amin�ireo zavatra mahazo ny mponina any Alaotra ireo notanisaina ireo. Tokony ho tonga saina ny mpitondra, hoy ny tantsaha tafaresaka taminay

Anaty fahoriana tanteraka ny vahoaka malagasy, mila mandray andraikitra ny mpitondra ary tsy tokony hiziriziry amin’ny hevitra tsy hitondra fandrosoana sy hampisarabazana ny malagasy. Jereo ny zavatra manjo ny tantsaha izay lany mondronkery, hoy R…. avy ao Ampitatsimo nefa ambany ny vidim-bokatra. Mitombo isa hatrany ireo manao tafo lanitra sy fitadiavana amin’ny fomba mamohetra.Havotsory ny filoha Ravalomanana mba hanome asa ny malagasy rehetra dia amin’izay hihena ny asan-jiolahy sy ny hala-botry raha tsy izany dia hitombo izao fahoriam-bahoaka izao. Hajanony hoy ny olon-tsotra ny hambom-po politikanareo mpitondra fa jereo ny sosialim-bahoaka. Hisy hihaino ve anefa ity antso ny olon-tsotra any alaotra ity ? Ny mpitondra izay manao be marenina amin’ny fahavoazan’ny hafa fa variana mikatsaka ny tombontsoany manokana.