Actualités

Nodoran�ny dahalo ny tan�na Renim-pianakaviana iray maty kila forehitra

Actualités
Alatsinainy 17 Novambra 2014

Ny marainan�ny alarobia teo, tamin�ny dimy ora, dahalo 11 lahy nirongo basim-borona sy fitaovam-piadina hafa no nanafika tao amin�ny tan�nan�i Mahabo ao anatin�ny Kaominina Ambalasoa.

Omby 21 tao anatina valan’ombina tokantrano telo no najifa, ary mbola notampenan’ireo dahalo avy aty ivelany ihany koa ny varavaramben’ireto trano ireto, nodorany avy eo. Renim-pianakaviana iray tsy afa-nanavotra ny ainy may kila hotohoton’ny afo lasa lavenona niaraka tamin’ireo entana rehetra tavela tao an-trano.

Mpanara-dia roa, naratra mafy voatifitra

Nihorohoro tsy nisy sahy nivoaka ny tranony ny fokonolona teo an-tanàna raha vao nahare ny feom-basy niferodrefotra niaraka tamin’ny tsoka kiririoka tsy nifandrenesana. Dify ireo dahalo, niroso tamin’ny fanarahan-dia niaraka tamin’ny zandary avy eo ireo vatan-dehilahy matanjaka teo an-tanàna. Nifankatratra tao Kelivao ny roa tonta ka raikitra ny fifandonana mahery vaika. Mpanara-dia roa no naratra mafy voatifitra ary latsaka avokoa ny omby rehetra teny am-pelatanan’ny malaso, izay efa tafaverina amin’ny tompony avokoa, hoy ny fampitam-baovao avy any an-toerana. Midika izany fa tsy mbola Tonga Saina ireo Kotro ao Betroka, raha efa dimy arivo latsaka kely ireo Dahalo Niova Fo any amin’ny distrikan’i Amboasary Atsimo amin’izao.