Actualités

Niala ny mpivarotra amoron-dalana Manomboka miova endrika ny renivohitra

Actualités
Alarobia 06 Janoary 2016

Mbola nanohy ny fanaraha-maso teny Analakely, Behoririka, Soarano,Tsaralalana omaly ny avy ao amin�ny kaomininAntananarivo renivohitra raha toa ka nanaja ny nifanarahana marina ireo mpivarotra.

Tsy tokony nisy intsony mantsy nanomboka tamin’ny alatsinainy lasa teo ny mpivarotra amoron-dalana fa naverina any anaty tsena avokoa izy ireo.Misy ihany moa ireo sasantsasany mbola tazana teny amin’ny sisin-dalana teny saingy tamin’ny ankapobeny dia hita ho niha nadio sy nalalaka ny arabe teto an-drenivohitra tamin’ny omaly.Manamafy hatrany ny avy ao amin’ny kaominina fa asa tsy maintsy atao io fandaminana ny mpivarotra amoron-dalana io ary hitohy foana , andrasana ihany koa ny fandaminana isak’ireo tsena efa misy satria hita ho misy ihany ny tsy fifankazahoan-kevitra ny amin’ny zavatra tokony atao sy ny fitsinjarana ny toerana indraindray.

RTT