Actualités

Mpivarotra fitaovam-pianarana Tsy manaiky ny famindran-toerana

Actualités
Sabotsy 13 Aogositra 2016

Mba hahafahana mandamina ny mpivarotra etsy Analakely sy ny manodidina dia nandray fanapahan-kevitra ny kaominina Antananarivo Renivohitra fa tsy maintsy hafindra eny amin�ny kianjan�Ambohijatovo

avokoa ireo mpivarotra fitaovam-pianarana rehetra etsy amin’ny pavillon Analakely sy Tsaralalana. Tafiditra ao anatin’ny asa fanadiovana ireo mpivarotra amoron-dalana tanterahin’izy ireo nanomboka afak’omaly izany sady hanampiana ny mpiantsena amin’ny fitadiavana ireo karazana kojakoja ilaina amin’ny fianarana ihany koa tsy hifangaro amin-javatra hafa. Nanambara anefa ireo mpivarotra voakasika fa tsy mety amin’izy ireo ny eny Ambohijatovo. “Ny eto amin’ny pavillon Analakely sy Tsaralalana ihany no mety aminay, hoy hatrany izy ireo satria tafiditra afovoany sady toerana hifamezivezen’ny olona maro” isan’andro. Efa nisy ny fangatahana fihaonana nataonay tamin’ireo tompon’andraikitry ny kaominina hanazavana izany saingy tsy mbola nisy namaly izy ireo hatreto. Mba ho fanoherana io famindran-toerana io ary dia tonga nitokona nanoloana ny lapan’ny tanàna etsy Analakely izy ireo, omaly, hetsika izay fantatra fa tsy hijanona mandrapisian’ny fifampidinihana eo amin’ny roa tonta.