Actualités

Mpitsara nitory mpikabary Hivoaka amin’ny 11 febroary ny didy

Actualités
Alarobia 05 Febroary 2020

Omaly no niakatra fampanoavana tetsy amin’ny Fitsarana ambaratonga voalohany Anosy ilay raharaha mpitsara nitory mpikabary noho ny resaka tandra teny amin’ny tarehy.

Raha tsiahivina, tao amina Akany iray eny Alarobia Amboniloha no niseho ny tantara, tamin’ny 14 desambra 2019, nandritra ny raharaham-panambadian’olona iray. Nampiasa voambolana nahafinaritra Raharison José, ilay mpikabary nandritra izany ka anisan’ny noresahiny ny resaka tandra izay nomarihiny manokana fa tsy noeritreretiny hanohintohinana olona na dia iray aza. Nandritra izany anefa no nahatsiaro voadona ilay mpitsara ka nitory. Omaly no nohenoin’ny Fitsarana Raharison José sy ny mpiaro azy ary ny an-daniny izay mpitory. Fanapahan-kevitra noraisin’ny Fitsarana ny hamoaka ny didy amin’ny 11 febroary ho avy izao. Nanambara Rtoa lehiben’ny Fitsarana fa hitsara tsy hiangatra ity raharaha ity. Eo an-daniny mahatoky ny fahendren’ny Fitsarana Raharison José mpikabary sady manao antso avo amin’ny mpitondra fanjakana ny amin’ny tokony hijerena ny kolontsaina Malagasy izay mitady voatohintohina ihany koa ny fahalalahany.