Actualités

Mpiasan’ny fadin-tseranana sy fitsarana Mikaon-doha handinihana ireo hetra tsy hita

Actualités
Alakamisy 25 Oktobra 2018

Nikaon-doha tetsy Tsaralalana omaly ireo mpiasan’ny minisiteran’ny Fitsarana sy ny mpiasan’ny fadin-tseranana manoloana ireo raharaham-pitsarana mety misy eo anivon’ny fadin-tseranana.

Raha ny fantatra dia betsaka ny volan’ny fanjakana tokony hampidirina anaty tetibolam-panjakana anisan’ireny ny lamandy amin’ireo karazan’entana mbola tavela ao amin’ny ladoany hahafahana manao asa sosialy ho an’ny vahoaka. Betsaka amin’izy ireny anefa no tsy misy mpaka, antony mahatonga ny fadin-tseranana hiantso ireo tompon’entana hilaza na mora simba na tsia ny entana nohafarany hahafahana mandray fepetra mikasika ny zava-misy. Tokony hampidi-bola ho an’ny fanjakana mantsy izy ireny, hoy Rabenja Narivony Eric, talen’ny fadin-tseranana. Ankoatra izay, fantatra ihany koa fa efa miara-miasa akaiky amin’ny PAC na ny tendro miady amin’ny kolikoly ny fadin-tseranana ankehitriny ka ho any amin’ny faritra manamarika ny sisin-tany no fantatra fa efa voafehy tanteraka hatreto. Andiany faharoa moa ity fihaonana notanterahin’ny roa tonta ity, narahin’ny fifanakalozan’izy ireo traikefa hoenti-manatsara ny asa sahanin’ny tsirairay avy. Marihina fa nahatratra 41 miliara ariary ny hetra tokony hiditra tamin’ny taona 2016 nefa tsy hita. Nahatratra 18 miliara kosa tamin’ny taona 2017.

Pati