Actualités

Mpatory an-dalana eto an-drenivohitra Mitombo isa hatrany

Actualités
Alarobia 30 Martsa 2016

Mitombo isa hatrany ireo mpatory an-dalana eto an-drenivohitra. Ankoatra ireo nitsoaka an-daharana niala tao amin�ny toerana nametrahan�ny kaominina sy ny minisiteran�ny mponina azy etsy

Isotry mantsy dia misy hatrany ireo olona vaovao tonga manatevin-daharana eny izay marihina fa zaza amam-behivavy ny ankamaroany. Mba ho fanampiana azy ireo dia tonga nizara fanampiana ho an’ireo ankizikely rehetra mpatory an-dalana eto an-drenivohitra ny zoma alina nifoha sabotsy teo ny fikambanana Efajoro tarihin’ny filohany Razafimandimby Rija Ethel. Toerana maro no noteteziny tamin’izany toy ny teny ambany Arcade, ny teny ambany tonelina Analakely. Ora efatra teo ho eo no nanaovana ny asa, ka ankizy madinika hatrany amin’ny 1.000 isa no nahazo tombontsoa izay nozaraina ronono sy dite mafana niampy mofo sy vatomamy. Tanjona tamin’izao hetsika izao ny hahafahana manampy ny mpiara-belona, indrindra fa ireo niangaran’ny vintana tsy mba afaka matory any an-trano toy ny olon-drehetra, ny filohan’ny fikambanana Razafimandimby Rija Ethel, renim-pianakaviana iray vonona tanteraka ny hanao izay vitany hahafahana manarina sy mampandroso ny firenena. Tsiahivina fa am-polony ny isan’ ireo mpikambana ao amin’ny Efajoro ankehitriny, tamin’ny volana aogositra taona 2014 kosa no niorina ny fikambanana.

Pati