Actualités

Mpangalatra jiro sy rano Tsy maintsy ho saziana

Actualités
Alarobia 19 Aprily 2017

Fampitam-baovao navoakan�ny Jirama farany ny vokatry ny fidinana ifotony notontosain�ireo mpiasa mpanara-maso mpitsirika ny fanjifana herinaratra sy rano eny anivon�ny fiarahamonina Malagasy.

1.862 na 40%-n’ireo mpanjifa 4.378 notsidihana no mampiasa herinaratra tsy ara-dalàna. Miisa 705 amin’ireo 2.430 na 29% ihany koa ny trangana halatra rano hita. Mitentina 2,5 miliara ariary kosa ny vola very tsy niditra tao amin’ny Jiro sy Rano Malagasy hatramin’ny fiandohan’ny taona 2017 vokatry ny fanjifam-bokatra an-tsokosoko nitranga teo anivon’ity orinasam-panjakana ity. Fanapahan-kevitra noraisina voalohany ny fanapahana ny kaontin’ireo mpanao hosoka izay arahina fanenjehana eny amin’ny fitsarana. Hosaziana daholo rahateo ireo mpandika lalàna rehetra tsy an-kanavaka niteraka fatiantoka, araka ny didim-pitondrana nankatoavin’ny filankevitry ny governemanta ny 26 oktobra 2016. Miandry io finiavan’ny mpitondra fanjakana hanafay ireo mpambotry ny toekarena Malagasy io avokoa moa na ny olom-pirenena na ireo mpamatsy vola mpiara-miombon’antoka. Teboka iray takian’ny Banky sy Tahirimbola iraisampirenena mivory ankehitriny rahateo ny fitantanana mangarahara eo anivon’ny Jirama, antoky ny fivoahan’ny famatsiambola FEC (Facilité Elargie de Crédit) andiany faharoa.

Ramano F.