Actualités

Mpanala BEPC naolan�ny Ben�ny tan�na Hiakatra Fitsarana amin�ny 23 oktobra ny raharaha

Actualités
Talata 21 Oktobra 2014

Sendra nifanena an-dalana no nanita-tsaina ingahy olom-boafidy ary nikasa hanao an-keriny ity zazavavy 14 taona ity. Avy any ambanivolo hihazo ny tan�na misy ny toeram-pianarany ity zazavavy ity no nifanena tamin�ingahy Ben�ny tan�na. Nandangolango azy izy farany, ary nosintoniny farany tany anaty ala mihitsy rakalakely ary notolominy haolana. Teo am-

panesorana ny patalohany indrindra ilay olom-boafidy no voakaikitr’ilay ankizivavy ka tao anatin’izay no nanararaotra nitsoaka sy niantso vonjy rakalakely. Nampandre ny ray aman-dreniny tany Antsambaharo, Distrikan’i Sambava ny Fokonolona nanavotra azy. Nitondra mpiara-miasa sy ray aman-dreny hifandamina sy hanao raharaham-pihavanana ingahy Ben’ny tanàna saingy tsy nanaiky ny ray aman-drenin’ilay zazavavy fa nitondra ny raharaha teo anivon’ny zandarimariam-pirenena ao Sambava, izay nandray an-tanana ny fanadihadiana ary nandefa izany tany amin’ny Fitsarana ambaratonga voalohany ao Antalaha. Fantatra izao fa hotsaraina amin’ny alakamisy 23 oktobra ho avy izao ny raharaha. Taloha kelin’ny fanadinana BEPC farany teo no nitrangan’ity raharaha ity. Anisan’ireo kandida niatrika fanadinana ilay zazavavy. Niteraka fikorontan-tsaina taminy anefa io tranga io ary nitarika tamin’ny tsy fahafaham-panadinany.