Actualités

Mpampianatra mamily fiarakodia Mitaraina noho ny tsy fisian’ny “permis”

Actualités
Alatsinainy 04 Febroary 2019

Tsy misy taratasy fahazoan-dalana mamily fiara hatrany na “permis” amin’izao eo anivon’ny centre d’immatriculateur na ny ivontoerana misahana izany.

Betsaka anefa no mety ho vokany eo anivon’ireo ivontoeana mampianatra mamily fiarakodia na ny auto école, raha ny fanadihadiana natao. Mety hadinon’ilay mpianatra vetivety mantsy ilay fianarana norantoviny, hoy Atoa Jacky Abdou, ao amin’ny auto école Jacky raha vao ela ny fahatongavan’ilay tena “permis” eny am-pelatanan’izy ireo. Nomarihiny fa rehefa mahavita fanadinam-panjakana ny mpianatra iray ary afaka soa aman-tsara dia iray volana aorian’izay dia mahazo ilay “permis” tena izy ny ankizy saingy mbola mijanona ho taratasy fahazoan-dalana fotsiny ihany aloha rehefa tsy misy ilay tena izy. Miandrandra ny fikarakarana goavana entin’ny fitondrana vaovao ireo mpampianatra mamily fiarakodia. Anisan’ny mampiasa ny sain’izy ireo ihany koa mantsy ankehitriny ny fisian’ny resaka mandeha na hajanona amin’ilay endriny teo aloha ihany ny “permis” na ovaina hafa. Tsy mampihena ireo olona tonga mianatra izany fa vao mainka mitombo aza, anisan’ireny ny vehivavy.

Pati