Actualités

Mohammed VI Nandao mangingina an�i Madagasikara

Actualités
Alatsinainy 28 Novambra 2016

Tena nahoraka tokoa ny fahatongavan�ny mpanjaka marokanina Mohammed VI teto Madagasikara ny sabotsy 19 novambra 2016.

Izy rahateo no voalaza ho filoham-panjakana voalohany mpikambana ao amin’ny OIF (Organisation Internationale de la Francophonie) hanatrika ny fihaonana an-tampon’ny Frankofonia andiany faha-16 eto amintsika. Voalahatra ho anisan’ireo olobe tokony ho nandray fitenenana nandritra ny kabary fanokafana ny fivorian’ireo lehibem-panjakana ihany koa ny tenany saingy tsy tonga akory teny amin’ny CCI (Centre de Conférence Internationale). Fitsidiham-panjakana amin’ny fomba ofisialy manokana no tena anton-diany teto fa tsy handray anjara amin’ny fivorian’ireo filoham-panjakana, araka ny fanampina fampitam-baovao. Nandao mangingina ny firenena Malagasy ny alin’ny zoma 25 novambra teo moa ny delegasionina marokanina notarihan’ny mpanjaka Mohammed VI.

Ramano F.