Actualités

Minisitry ny fizahantany Mpizahatany 500 000 amin’ny taona 2020

Actualités
Alarobia 20 Novambra 2019

Maro ireo fomba hisarihana mpizahatany ho avy eto Madagasikara. Anisan’izany ny fahatongavan’ny sambo lehibe na « paquebot ».

Mandalo any amin’ny faritra Atsinanana amin’izao fotoana ny sambo lehibe iray miaraka amina mpizahatany maro. Nanamafy ny minisitry ny fizahantany, ny fitaterana ary ny famantarana ny toetry ny andro, Joel Randriamandranto fa manambara fahatokisana ny tolotra omen’ny Malagasy eo amin’ny sehatry ny tontolon’ny fizahantany ny fahatongavan’ity sambo lehibe ity. Manana lanjany manokana amin’ny fampiroboroboana ny toekarena ny fizahantany. Mpizahatany 300 000 mahery no tonga nitsidika teto amintsika ary fanamby apetraky ny fanjakana ny hampiakatra izany hatrany. Tanjona kendrena amin’ny taona 2020 ny hanatrarana azy ho 500 000. Ezaka goavana kosa no andrasana amin’ireo mpandraharaha amin’ny fampiroboroboana ireo tolotra samihafa hita ho mahomby eto amintsika.

Marigny A.