Actualités

Partagé sur :
• facebook

Efa miroso amin`ny fandaminana ny amin`ny fampodiana an`ireo mpiasa eo anivon`ny kaonsila (consulat) sy masoivoho any ivelany ny eo anivon`ny minisiteran`ny raharaham-bahiny amin`izao fotoana.

Manaraka ny laharam-pahamehana sy andraikitra ary ny toerana banga atao rehefa tsy afaka miasa intsony noho ny fahataperan`ny fe-potoana hiasana amin`ny maha mpiasam-panjakana na fanafoanana ny fifanarahana arak`asa noho ny fahazoan-dalana mipetraka ao amin`ny firenena ipetrahan`ny mpiasam-panjakana. Momba ny fampodiana mpiasan’ny Masoivoho indray dia manaraka ny lalàn’ny fifandimbiasan-toerana ny minisitera. Rehefa tonga ny fotoana hisotroana ronono dia miverina an-tanindrazana izy ireo ankoatra ireo mihoa-pefy na mandika lalàna. Miandry ny sonian’ny tompon’andraiki-panjakana isan’ambaratongany ny minisiteran’ny raharaham-bahiny vao afaka mandefa fampandrenesana ireo mpiasa am-podiana. Mba ialana amin’ny olana eo amin’ny fahatapahan- karama alohan’ny fampodiana ilay olona dia nandray fepetra ny MAE ka enim-bolana alohan’ny andehanan’ny mpiasa iray hisotro ronono dia angatahina any amin’ny minisiteran’ny fitantanam-bola sy ny Tetibola (MFB) ny “document de rapatriement”. Nitondra fanamarihana mahakasika izay ny teo anivon`ny minisiteran`ny raharaham-bahiny mba hanazavana amin`ny besinimaro fa fampodiana sy fandefasana an`ireo mpiasam-panjakana any amin`ireo masoivoho sy consilan`i Madagasikara dia raharaha ara-teknika.

Marigny A.

Tia Tanindrazana

Samia mijoro ho an'i Gasikara.