Actualités

MIDONGY ANGAHA ISEKELY ?

Actualités
Zoma 09 Janoary 2015

Midongy indray i zandry kely, Tsy hankeny Iavoloha ? Izany ve no mba modely Tena mendrika ho filoha ?

Zatra toton`ombibory,

Ka manao tsy am-piheverana.

Ary tsy mankaiza akory

Fa mitokona am-pitoerana.

Teny tena sarotra aminy

`Zany hoe “ `Ndeha hifamela”.

Fa ny tiany sady maminy,

Ary voiziny hatry ny ela.

Dia ny hamaly faty lava,

Sy hifanenjana hatrany.

Ny hanapotika sy handrava,

Raha tany koa ny tany.

…Zatra resaka mivaona,

Tsy araka ny fanekena.

”Toy ny zaza folo taona

Te hitondra firenena."

DADAN`I ZINA(08-01-15)