Actualités

Manandafy Rakotonirina Tafaverina eto an-tanindrazana ary salama tsara

Actualités
Alakamisy 04 Desambra 2014

Mikasika ny lahatsoratra navoakan'ny ny Tia Tanindrazana ny alatsinainy 01 desambra 2014, dia manao izao fanitsiana manaraka izao ny Birao Foiben'ny MFM.

Tsy marina ny vaovao naelin'ny Tia Tanindrazana mikasika ny Filoha Nasionalin'ny MFM naiditra hopitaly tany Paris rehefa avy nivory niaraka tamin'ny "Réseau Libéral Africain" tany Marrakech tany Maroc. Ny Birao Foiben'ny MFM irery ihany no afaka manamarina izay fisehoan-javatra toy ireny. Ka amin'ny fotoana tsy maha eo ny Prezidà Nasionalin'ny Antoko dia ny Sekretera Jeneraly no afaka manao fanambarana mikasika ny Antoko sy ny fisehoan-javatra momba ny tompon'andraikitra ao aminy. Marihina fa tafaverina soa aman-tsara eto an-tanindrazana ny Filoha Nasionalin'ny Antoko MFM Atoa Manandafy Rakotonirina ary salama tsara izy.