Actualités

Magro Behoririka � Tsy tsaraina ary tsy mila amnistia i Dada �

Actualités
Talata 18 Novambra 2014

Nitohy hatrany ny hetsiky ny Magro Behoririka. Ragodonarison Guy Roger no nampita ny hafatra avy amin�I Neny Lalao Ravalomanana.

Misaotra ny movansa Ravalomanana, ny mpitarika ny vahoaka i Neny tamin’ny fanotronana ny vavaka teny Mahamasina omaly. Maneho ny fankasitrahana i Neny tamin’ny fandraisana azy taorian’ny vavaka fa tao anatin’ny filaminana no nanaovana izany. Isaorantsika ny mpitandro ny filaminana, hoy Sazalahy Tsianihy fa nampiova fo ny dahalo tany Atsimo, aoka koa mba hiova fo hamerina an’i Dada eny Faravohitra izy ireo. Tonga maro teny amin’ny Fjkm Atsimon’i Mahamasina ny ankolay Ravalomanana, midika izany fa vonona amin’ny fampihavanana isika, hoy hatrany izy ary tena mitory fitiavan-tanindrazana izany. Hilarion Rarison kosa dia nanambara fa fitsarana tsy mahefa no nitsara ny filoha Ravalomanana teto nandritra ny tetezamita ary tsy mila famotsoran-keloka izany izy. Ny anay dia sady tsy tsaraina i Dada no tsy mila amnistia hoy izy. Tanteraho ny tondrozotra, avereno eny Faravohitra ny filoha Ravalomanana ary avelao hanendry ny solontenany hiatrika ny fampihavanana fa izy ihany no mahay io. Raha toa ka hotsaraina noho ny fidirany teto Madagasikara farany teo ny filoha Ravalomanana dia aleo tsaraina avokoa ireo olona 109 nambara fa nanongam-panjakana tamin’ny 2009 ; hoy i Hilarion Rarison.