Actualités

Magro Antsirabe Mitaky ny famotsorana ny filoha Ravalomanana

Actualités
Alarobia 15 Oktobra 2014

Vory lanona indray ny mpitolon'ny Magro Antsirabe isan'andro nanomboka ny nahatongavan'ny filoha Ravalomanana teto Madagasikara

Hafaliana no nandraisan'Antsirabe izany saingy toa sifotra notapahan-doha indray izy ireo tamin'ny tohin'ny tantara. Omaly tolakandron'ny talata 14 oktobra dia nilanja sorabaveny mitaky ny famoahana ny filoha
Ravalomanana, izay miantefa mivantana amin'ny filoham-pirenena ny hafatra. Tsy dia nisy kabary lava fa ny fanakianana ranofotsiny ireo ho milaza ho mpitondra mahefa no nataon'ireo niteny. Nisy koa ny fanomezam-baovao nataon'ny Senatera Lanto Rabenantoandro ireo
mpitolona mikasika ny vaovao farany fantatra momba an'ny filoha Ravalomanana. Hitohy isan'andro indray, araka ny lamina, ny tolona mandra-pahita ny filoha Ravalomanana raha ny nambaran'ireo mpitarika tao an-toerana.