Actualités

Madagasikara tsy tan-dal�na Olana fototra ny tsy fanajana Lal�mpanorenana

Actualités
Alatsinainy 02 Febroary 2015

Vao 55 taona monja izay no niverenan�ny fahaleovantenan�ny firenena Malagasy nefa efa Repoblika efatra sahady no nifandimby hatramin�ny taona 1960

Vao 55 taona monja izay no niverenan’ny fahaleovantenan’ny firenena Malagasy nefa efa Repoblika efatra sahady no nifandimby hatramin’ny taona 1960. Tsy filaminana ara-politika hatrany no nampikorontana ny fiarahamonina noho ny tsy fitovian-kevitra sy fahasamihafam-pijery amin’ny fitantanana ny raharaham-pirenena. Lasa fomba amam-panao mihitsy tao anatin’ny taona maro teto amintsika ny fidinana an-dalambe ho fanoherana ny tsy mety ataon’ireo mpitondra voafidim-bahoaka. Rariny sy hitsiny raha maneho hevitra am-pilaminana ny olom-pirenena mitaky ny fanatanterahana ny fifanarahana sosialy nampanantenaina azy. Tsy mitombina kosa anefa ny fanovana isaky ny misy fihetseham-bahoaka ny Lalàmpanorenana mba hidirana amin’ny Repoblika vaovao. Tsy vahaolana mihitsy ny fanovana ny Lalàna fototra araka izay hitiavan’ny mpanao politika azy, hoy ireo mpahay lalàna efa zokinjokiny. Mila mijoro ireo manampahaizana sy mpandalina lalàna manoloana ny tsy fanarahana mihoapampana azy io miseho eto Madagasikara. Rehefa fandikan-dalàna dia mendrika ny hosaziana na mpitondra fanjakana na olom-pirenena tsotra, hoy ny fanampim-panazavan’ireto olon’ny lalàna ireto