Actualités

Madagasikara Potiky ny tsy fandraisan�andraikitry ny olom-pirenena

Actualités
Alarobia 07 Septambra 2016

Tontolo roa miavaka mihitsy ny vahoaka Malagasy sy ny politika. Mihevitra ny tsy manana anjara andraikitra amin�ny fanatsarana ny fiarahamonina eto Madagasikara mantsy ny 1/3-n�ny olom-pirenena,

hoy ny tatitra navoakan’ny Incipals (Initiative Citoyenne pour la Consolidation de la Paix, Leadership et Stabilité) novatsian’ny Vondrona eoropeanina. Miaiky ny fananany adidy ihany koa ny 43%-n’ny Malagasy feno 18 taona saingy tsy resy lahatra amin’ny fahafahan’izy ireo manova ny zava-misy, araka ny fanadihadiana notontosaina tamin’ny sokajin’olona samihafa miisa 18.000 ny faran’ny taona 2015. Miiba avokoa rahateo ireo naoty azo tamin’ireo valim-panontaniana napetraka momba ny politika toy ny fanapotehana fananam-bahoaka, fanaovana herisetra mpanao politika, fandraisana anjara amina hetsika sy fitokonana na fihaonana matihanina sy eny anivon’ny fiarahamonina, fanangonan-tsonia, fidirana ho mpikambana sy fanatrehana fivoriana antoko politika. Indrokelin’ny mpandrafitra moa ny tsy fampidirana ny taranja fanabeazana olom-pirenena ao anatin’ny fampianarana Malagasy toy ny any amin’ireo firenen-kafa. Manapotika tanteraka an’i Madagasikara anefa ny krizy politika miverimberina vokatry ny tsy fandraisana andraikitry ny mponina manoloana ireo olom-panjakana tsy refesi-mandidy mitantana ny firenena.

Ramano F.