Actualités

Madagasikara Airways Tonga ny fiaramanidina faharoany

Actualités
Sabotsy 05 Martsa 2016

Nigadona teny amin�ny seranam-piaramanidina Ivato omaly tolakandro ny fiaramanidina faharoa an�ny kaompania tsy miankina Madagasikara Airways.

Embraer 120 ER, misy motera roa, mitovy karazany amin’ilay « Ankoay », izay fiaramanidiny voalohany tonga tamin’ny 15 oktobra 2015, ity vao tonga omaly ity. Mpanamory vahiny no nanatitra azy. Amin’ny 8 martsa 2016 no hanao ny sidina voalohany ity fiaramanidina vao tonga ity, hihazo an’i Toamasina sy Sainte-Marie. Hitrandraka ny zotra mankany amin’ireo nosy rahavavy, Mayotte sy La Réunion ity vao tonga omaly ity aorian’izay. Nanamafy ny mpitantana ny Madagasikara Airways fa manana CTA (Certificat de Transport Aérien), izay fahazoan-dalana ahafahan’ny orinasam-pitaterana anabakabaka iray mitrandraka ny lanitr’i Madagasikara. Miara-miasa amin’ny kaompaniam-pitaterana afrikanina tatsimo, Air Link ihany koa ny Madagasikara Airways.

Jean D.