Actualités

Lyc�e Saint Vincent de Paul Mpianatra 4 no indray nanjavona

Actualités
Alakamisy 10 Novambra 2016

Mpianatra efatra no indray nanjavona tsy hita nanomboka ny alatsinainy hariva teo tao amin�ny Lyc�e Saint Vincent de Paul Ambatonilita.

Olana ara-pianakaviana no fantatra fa nahatonga izany, antony manosika ireo ankizy maro eto an-drenivohitra handao ny tokantranony. Raha ny fanazavan’ny tompon’andraikitry ny sekoly Randrianarisoa Ange mantsy dia zanak’olona efa nisara-panambadiana ireto tovolahy kely roa mpianatry ny sekoly ireto. Taona fahasivy hiatrika ny fanadinam-panjakana BEPC ny iray ary taona fahavalo kosa ny iray. Ny rainy no hipetrahan’izy ireo. Nisy fifandonana anefa teo amin’ilay tovolahy kely zokiny 16 taona tsy hita sy ny rainy ny faran’ny herinandro teo. lasa nitsoaka ity tovolahy kely ity niaraka tamin’ny zandriny ny alatsinainy hariva teo, niampy ny olon-tiany ao amin’ny taona faha-11 sy ny namany iray akaiky azy ireo izay mbola mpianatry ny sekoly ihany koa. Mbola nandalo tany an-tokantranony ilay tovovavy kely olon-tiany ny alatsinainy hariva teo nangorona ny entany. Raha araka ny vaovao azo moa dia nentin’ilay tovolahy kely any ambanivohitr’izy ireo ireto namany telo ireto ary tsy mbola hita izy ireo hatramin’ny omaly. Ny polisy misahana ny zaza tsy ampy taona etsy Tsaralalana no mandray an-tanana ny raharaha. Anatra ho antsika ray aman-dreny ny tranga tahaka izao.

Pati