Actualités

Loholona Randriamihaingo Berthin Tokony hapetraka ny taranja fahaiza-miaina

Actualités
Alatsinainy 15 Mey 2017

Mitaky ny hametrahana ny taranja fahaiza-miaina any an-tsekoly ny antenimierandoholona tamin�ny alalan�ny loholona avy amin�ny HVM Randriamihaingo Berthin ny faran�ny herinandro teo.

Tsara sy tena mety ilay izy satria anisan’ny mampivaona ny fiarahamonina amin’izao fotoana izao ny tsy fahampian’ny fahaiza-miaina sy fahalalam-pomba eo amin’ny ankizy sy tanora ankehitriny, izay hoavin’ny firenena sy ny tanindrazana. Maro ihany koa anefa no milaza fa ny mpitondra mihitsy no tokony ho fitaratra amin’ny fahaiza-miaina mba halain’ny fiarahamonina tahaka. Izy ireo indray no zary mpanome leson-dratsy, toy ny fihetsik’i Riana Andriamandavy VII. Hitam-poko hitam-pirenena ny fihetsika mamoafady sy fandikan-dalàna nataony. Na ny ao anatin’io andrim-panjakana misy azy aza anefa mangina sy tsy niraika firy tamin’ny fihetsiny kanefa ny antenimiera manontolo mihitsy no afa-baraka noho ny fihetsiny. Sao dia mba tokony hamafa ny tokotaniny aloha izy ireo vao hiresaka ny taranja fahaiza-miaina hampidirina any an-tsekoy mba tsy hataon’ny olona hoe mpitari-bato vilam-bava !

Toky R