Actualités

Lilla Koumba Andriambololona � Tsy meloka ny vadiko ka avotsory �

Actualités
Zoma 31 Oktobra 2014

� Tsapako nandritra ny fanadihadiana natao tamiko fa noterena an-kolaka aho hilaza fa tsy teo anilako ny vadiko tamin�ny fotoana voatondro fa nahatongavan�ny filoha teo aloha Marc Ravalomanana... �.

Izany no fanambarana nataon-dRamatoa Lilla Koumba Andriambololona, vadin’i Jean Marc Koumba teny Tsiadana omaly. Diso tanteraka ny filazana fa misy ifandraisany tamin’ny fahatongavan’ny filoha teo aloha teto Madagasikara i Jean Marc Koumba, hoy izy. Ny zavatra fantany avy amina loharanom-baovao, nambarany fa azo antoka dia nandainga ihany koa ireo vavolombelona roa nilaza fa nahita an’i JM Koumba teny amin’ny seranam-piaraminidina Antsirabe ny andro voatondro fa nahatongavan’i Marc Ravalomanana. Tsapako fa toa novaina avokoa izay zavatra , hoy i Lilla Koumba. Niantso an’Atoa Ravalomanana mba hilaza ny tena marina momba ny nahatongavany teo izy, niantso ny fitondram-panjakana ihany koa mba hilaza mazava ny toerana misy an’i Jean Marc Koumba sy momba ny fahasalamany. Manizingizina i Lilla Koumba Andriambololona fa tsy misy idiram-badiny mihitsy ny raharaha Ravalomanana. Ny zandarimariam-pirenena moa raha nanontaniana dia nilaza, omaly fa tsy mbola azo ambara mihitsy aloha ny toerana itazonana an’i Jean Marc Koumba.