Actualités

Tapaka tanteraka ny lalana mihazo an�i Mahajanga amin�izao fotoana izao raha araka ny fantatra.

Nanomboka ny alin’ny alatsinainy nifoha omaly talata no nitrangan’izany, vokatry ny ora-nikija tany avaratra sy ny fahanteran’ny fotodrafitrasa. 40 km miala ny distrikan’i Maevatanana no hisian’izany eo amin’ny PK 615,400 any amin’ny kaominina ambanivohitra Berivotra 5/5, distrikan’i Maevatanàna. Nihotsaka tanteraka ny lalana izay lasa misy lavaka be mihitsy ka na ireo fiara madinika aza mila tsy ho zakany. Voatery niverin-dalana noho izany ny ankamaroan’ireo fiara vaventy raha nijanona kosa ny sasany, miandry izay hahavitan’ny asa fanamboarana. Izay eo ihany fa ny tena olana dia miaina anaty haizina tanteraka ny distrikan’i Maevatanana. Tsy afa-miditra any an-toerana mantsy ireo fiara vaventy mpitatitra solika. Manomboka misy olana ihany koa ny famatsiana ireo karazana kojakoja ilaina amin’ny fiainana andavanandro. Hatramin’ny omaly moa dia tsy fantatra izay fanapahan-kevitra horaisin’ny tompon’andraikitra misahana izany na dia efa betsaka aza ireo mahatsiaro ho sahirana.

Pati

Tia Tanindrazana

Samia mijoro ho an'i Gasikara.

Hijery ny tohiny

FTT