Actualités

L�lan�Ambatondrazaka Ratsy toy ny talohan�ny taona 2001

Actualités
Alakamisy 22 Janoary 2015

Potika tanteraka ny ampahan-dalana betsaka mampitohy ireo faritra maro manerana ny nosy ankehitriny. Iaraha-mahalala fa tsy tontosa araka ny tokony ho izy ny fikojana azy ireo tao anatin�ny krizy lavareny noho ny fahatapahan�ny famatsiam-bola avy amin�ireo mpiara-miombon�antoka.

Manampy trotraka ny fahasimban’ireo fotodrafitrasa ihany koa ny fotoam-pahavaratra izay firotsahan’ny orambe sy fiavian’ny rivodoza. Zava-pitranga matetika moa ny fahatapahan’ireo lalam-pirenena samihafa eto Madagasikara tahaka ny mampitohy an’Antananarivo sy Ambatondrazaka. Mitohy hatrany kosa ny asa fitaterana sahanin’ireo kaoperativa miisa 18 mizotra mankany amin’ny faritra Alaotra Mangoro iny. Azo ampitahaina tamin’ny talohan’ny taona 2001 ny faharatsian’ny lalan’Ambatondrazaka, hoy ireo mpitatitra. Tokony hojeren’ny fitondram-panjakana manokana ny mikasika ireo fiarabe an-jatony ampiasain’ny orinasa Kraoma mivezivezy isan’andro any an-toerana izay antony iray tsy mampaharitra ny lalana, araka ny soso-kevitr’ireo mpitatitra ihany.