Actualités

Lalam-pirenena Nahatratra 20 ny lalana tapaka nandritra ny rivodoza

Actualités
Zoma 30 Janoary 2015

Nahatratra 20 isa ny lalana tapaka tany amin�ny lalam-pirenena nandritra ny fandalovan�ny rivodoza Chedza teto amintsika, raha araka ny fanazavan�ny minisitry ny asa vaventy Roland Ratsiraka omaly

. Mitentina 8 miliara ny tentim-bidin’izany ka anisan’ireny ny lalam-pirenena faha-34 izay tapaka saingy efa amboarina amin’izao fotoana izao. Toraka izany koa ny lalam-pirenena fahafito sy ny lalam-pirenena fahenina izay simba ary efa amboarina ihany koa. Ny vondrona Eoropeanina avokoa no namatsy vola ireo rehetra ireo. Na izany aza dia anisan’ny laharam-pahamehan’ity minisitera ity amin’izao ny fanamboarana ny lalam-pirenena faha-44 hitazonana ny vidim-bary tsy hiakatra. 2 tapitrisa Euros ny vola efa azo avy amin’ny vondrona Eoropeanina hanamboarana izany ka tetezana miisa fito no tsy maintsy amboarina. Mahatratra 100 tapitrisa dolara kosa ny vola ilaina raha hatao tara iray manontolo ny lalana manomboka eo Marovoay ka hatrany Vohidiala. Mikasika ny tonelina etsy Ambanidia indray dia nomarihiny manokana fa tsy atahorana hirodana taorian’ny tatitra nataon’ireo teknisianina Frantsay sy Arabo nampandraiketina izany.