Actualités

Lakandranon�Andriantany Mitohy ny fanadiovana azy hiarovana amin�ny tondra-drano

Actualités
Alakamisy 21 Janoary 2016

Mitohy hatrany ny fanadiovana ny lakandranon�Andriantany tanterahin�ny APIPA rehefa niato kely nandritra ny andro vitsivitsy izany noho ny fahasimban�ny fitaovana.

Fota-mainty maro be no mbola nalana tao izay nanentsina tanteraka ny fikorianan’ny rano mivarina eny amin’iny faritra iny. Mbola haharitra herinandro vitsivitsy ny asa, hisorohana ny mety hisian’ny tondra-drano eto Antananarivo. Toraka izany koa ny fitohizan’ny asa fanadiovana tanterahin’ny RF 2 eny anivon’ny fokontanin’Ampefiloha sy Manarintsoa iny izay lalovan’ity lakandrano ity. Lasa tafiditra ao anatin’ny asa hataon’izy ireo mantsy ny fanaraha-maso ireo olona manary fako na maloto amin’iny lakandrano iny, hoy ny tompon’andraikitra iray eny an-toerana. Tsiahivina moa fa anisan’ny nampihena ny rano tonga teny am-baravaran’ireo olona tsy manan-kialofana monina eny La reunion kely ny fanadiovana ity lakandranon’Andriantany ity. Lafiny ratsy kosa ny fisian’ireo andian’olona manakorontana ny tany avy nalaina tao anaty rano mba hitadiavana vy hamidy indray.