Actualités

Kolikoly ao Ambatondrazaka Nataon�ireo Mpisolovava vaky bantsilana

Actualités
Alarobia 02 Martsa 2016

Manjaka ny kolikoly any Alaotra, hoy ireo mpisolovava ao Ambatondrazaka tamin�ny teny nahitsy. Mitondra faisana ireo olona mila raharaha eny anivon�ny Fitsarana sy ny sampandraharaham-panjakana samihafa any an-toerana.

Manampy trotraka koa, hoy izy ireo, ny tsindry ataon’ny olomboatendry na olomboafidy ka manjary tsy mahaleotena amin’ny asany ny Fitsarana.

Milaza ny handray andraikitra ireo mpisolovava ao Ambatondrazaka manomboka izao ka hanentana ny olona hiady amin’ny kolikoly. Nampahatsiahy ireo mpisolovava any Ambatondrazaka fa mitovy ihany ny sazin’ny mpanome sy ny mpandray.

Nanambara ny filohan’ny Fitsarana ambaratonga voalohany Ambatondrazaka Rtoa Rakotomavo Hantamalalanirina fa efa tamin’ny taon-dasa izy ireo no nanao hetsika hiadina amin’ny kolikoly ary mbola tohizana amin’ity taona 2016 ity.