Actualités

Kolikoly 7 000 Ariary ny kara-panondro iray any Morondava

Actualités
Alarobia 10 Febroary 2016

Sahirana ireo mpianatra feno taona tokony hanana kara-panondrom-pirenena ka hiatrika fanadinam-panjakana amin�ity taom-pianarana ity.

Lany efa andro maromaro ny taratasy fanamboarana kara-panondrom-pirenena ao Morondava, renivohitr’i Menabe. Izay no filazana ofisialy. Ny fotoana anefa mandeha, voafetra rahateo ny famenoana ireo antontan-taratasy ilaina amin’ny fisoratana anarana hiatrika fanadinam-panjakana. Ny mahagaga anefa dia misy milaza manana ihany rehefa tena misy mitady maika ary 7000Ariary ny iray. Eo no mampametra-panontaniana, maninona ny taratasim-panjakana toy izany no tonga any am-pelatanan’ny mpijirika ? Ny loza dia maninona no tsy andraisana fepetra fa jerem-potsiny ny toy izany ? Hatreto mantsy dia sady tsy nisy nametraka fitoriana no tsy misy olona voasambotra manodidina ity toe-draharaha ity. Tranga izay tsy any Morondava ihany fa Kaominina maromaro eto amin’ny Nosy, no andrenesana risoriso amin’ny fanaovana kara-panondrom-pirenena toy io.

Jean D.