Actualités

Kianja ivelany etsy Mahamasina Nodiovina sady nolokoina

Actualités
Alakamisy 25 Aprily 2019

Taorian’ny fetin’ny Paska lasa teo dia nanatanteraka asa fanadiovana sy fandokoana ny kianja filalaovana baskety baolina sy voley baolina etsy Mahamasina,

ny avy eo anivon’ny Sampandraharaha misahana ny kolontsaina sy ny fiainam-piarahamonina, na DCVC eo anivon’ny Kaominina Antananarivo Renivohitra (CUA). Nanomboka ny 23 aprily lasa teo ny asa, tsy hifarana raha tsy rahampitso zoma 26 aprily. Nisy ny fanapahana ireo bozaka sy lobolobo nandritra izany, narahin’ny fanatsarana sy fandokoana (marquage) ny toerana filalaovana baolina. Nisy ihany koa fanondrahana rano nataon’ny sampana mpamonjy voina ary ny fanondrahana fanafody mamono mikraoba nataon’ny Direction de la Santé et Hygiène na DSH Isotry. Izao hetsika izao no natao moa dia mba ho fanatanterahana ny vinan-dRamatoa Ben’ny tanànan’Antananarivo Lalao Ravalomanana manao hoe : « Antananarivo soa iombonan’ny Malagasy » ary ho fanomezana hasina ny tanora sy ny fanatanjahantena.