Actualités

Kaominin’i Mahitsy RN 4 Misitraka ny asa hirahana amin’ny association AVOTRA

Actualités
Talata 05 Martsa 2019

Tao aorianan’ny fizarana zezika sy masomboly ary sakafom-biby nanerana ny kaominina 24 ao amin’ny distrikan’Ambohidratrimo nataony dia moiroso amin’ny fanaovana foto-drafitr'asa samihafa indray ankehitriny ny asa sosialy ataon’ny association AVOTRA "Andry sy VOnjy ho an’ny reheTRA"

ka anisan’izany ny fanombohana ny fanamboarana ny tsenan’i Mahitsy RN 4 (fanotofana an’ireo fotaka mandifotra an’ity tsena ity) sy ny fanamboarana an’ireo lalana izay potika sy simba miala eto amin'ny "Acces Banque » mahazo ny « Abattoire » ary mivoaka any Anosikely sy ny fanamboarana ny lalana mirefy 12 kilometatra avy eo amin'ny « Charbon » mivoaka any amin'ny kaominina Ambohimanjaka hiarahany amin’ny fikambanana zanak’i Manendy tarihan’i Jhonny Maminiaina sy ny vahoakan’ny kaomin’i Mahitsy manontolo. Velombolo sy mahatsiaro milamin-tsaina ireo vahoaka manerana ny fokontany 31 ato anatin'ity Kaominina Mahitsy ity satria nandray ary mbola mandray an’ireo zezika aman-taonina maro sy ireo masomboly sy sakafom-biby, teo koa fanamboarana ny paompin-drano sns...

Ntsoavina Evariste