Actualités

Kaominin’Antananarivo renivohitra Hiara-kiasa amin’ny kaominina manodidina

Actualités
Alarobia 11 Martsa 2020

Nisy omaly ny fihaonan’ny ben’ny tanànan’Antananarivo, Naina Andriatsitohaina, tamin'ireo Ben'ny tanànan'ny Kaominina maromaro manodidina an'Antananarivo Renivohitra.

Tsy nanavahana firehana politika izany, hoy izy, fa nasaina avokoa izay Ben'ny tanàna lanim-bahoaka. Ny tanjona dia ny fanatsarana sy ny fandrindràna ny fampandrosoana eto Antananarivo sy ny manodidina. Lohahevitra maro no noresahina toy ny fandriampahalemana, ny fifamoivoizana, ny fitantanana ny fako, ny fifindra-monina sy maro samihafa. Niara-nanaiky fa vonona ny hifanampy sy hifanome tanana mba hampandroso ny tanàna miaraka izahay, hoy ny tenany, ka kaomisionina teknika vitsivitsy no natsangana mba hitondra vahaolana haingana ho an'ny mponina.

J. Mirija